inprimatu
Iparragirre ta Urretxua
Izenburua:
Iparragirre ta Urretxua
Sinadura:
Etxezarreta, Jesus M. (Izazpi)
Urkizaren iruzkina:
Egilea(k):
Etxezarreta, Jesus Maria

Argitalpena:
Zeruko Argia.
Urtea:
1981
Argitalpenaren urtea:
Alea:
904.zk.
Orrialdea:
38

 

 

 

 

faksimilea ikusteko


Iparragirre ta Urretxua

 

Izazpik

 

 Urretxuko herrian

 jaioa suertez,

 eta gu ezagunak

 beraren bitartez.

 Oroituko zaitugu

 orain ehun urtez.

 AGUR IPARRAGIRRE

 herritarren partez.

 

 Iparragirre zela

 arlote pobrea,

 ez zituen maitatzen

 urre ta kobrea.

 Gitarra zuelako

 lagun bat hobea.

 Urretxuak hor dauka

 seme bat noblea.

 

 Hainbeste kanta eder

 eta herri kutsuz.

 ez dira geldituak

 zuk uste bezin huts.

 Azkenerako bere

 herriak bihurtuz.

 Euskadi guztiaren

 animaren gorputz.

 

 Herri hau ez da hilko

 inundik inola,

 ixuri arte berak

 daraman odola.

 Zu sortu zinan lurrak

 abesten du hola:

 Gernikako haritza

 bizirik dagola!!!

 

 «Zozabarro» baserri

 hortan zinan hila,

 bertatikan joanaz

 sariaren bila.

 Merezi zituenak

 zorionak mila,

 betikoa gozatzen

 gertatu dedila.

 

 Sorterriak jai hauek

 eskeintzen dizkitzu,

 bizirikan bazeunde

 bezela berdintsu.

 Herritarrek lan egin

 dutelako itsu;

 GORA IPARRAGIRRE

 TA GORA URRETXU!!!

 


inprimatu