Andragaiekin nabil

Izazpik

 -1-

 Andragaiakin nabil

 amabi urtean,

 ia erretirua

 ez du apartean.

 Ezkontzarekin beintzat

 ez naiz suertean,

 aguantatu bearko

 degu bitartean,

 bizi leku bat nunbait

 erosi artean.

 -2-

 Ai! zenbait buruauste

 «pixu-erosteak»

 ta gero bear diran

 mueble ta trasteak.

 Geroarekin ez du

 pentsatzen gazteak,

 baiña ez du balio

 itxuan asteak,

 konturatu zaitezte

 nerekin, besteak.

 -3-

 Zortzi milla pezeta

 illeko jornala,

 kontuak aterako

 ditut bereala:

 gutxienez erdia

 mantentzeko dala,

 gero jaztea eta

 gastuak dirala...

 sobratutzen dan pilla

 ez dezu makala!!!

 -4-

 Gaur pixu batek daukan

 prezio-tamaiña,

 ez da langillientzat

 jarri, alajaiña.

 gaiñontzeko gastuak

 geroko ordaiña,

 ezkonduko nintzake

 pozik asko baiña,

 ortarako bear det

 Onassis-ek aiña.

 -5-

 Zenbait paseo triste

 erriaren bueltan,

 animatutzen giñan

 goiko errebueltan;

 Andragaia noiz dagon

 goibel edo altan,

 nik antz ematen diot

 arpegiko plantan,

 ez gera ezkonduko

 ezagutu paltan!!!

 -6-

 Lengoan pasatu dit

 azken abixua,

 aurten ezkondutzea

 dala prexixua.

 Anima ondoraiño

 sartu zait izua,

 konprenditu zaidazu

 andragai gaixua,

 nundikan kontsegitu

 bear det pixua...?

 -7-

 Etxera ezkontzea

 nai naute beartu,

 gurean kanpokorik

 ezin leike sartu.

 Gurasoak edadez

 naikoa zabartu,

 petralkeri asko ta

 jenioa txartu,

 inpernu ontan nola

 aingeru bat artu?

 -8-

 Artu zazu erraiña

 gona motz motzakin,

 igual jarriko zaizu

 modako galtzakin;

 Gero berak naiko du

 diruan poltsakin,

 laister joko lioke

 buruan pertzakin,

 nere amak dituan

 bibote beltzakin!!!

 -9-

 Baldin diru gutxikin

 badezu kartera,

 etzerade juango

 oso apartera.

 Gauz danak garestitzen

 urtetik urtera,

 sartu baiño lenago

 inpernu batera,

 bizimodua zer dan

 kontuak atera.

 -10-

 Soltero gaudenean

 zenbat tripakara...!

 Gero andreak diru

 gutxi patrikara.

 Geiegi bete gabe

 askotan ijara,

 ezkontzari serio

 emateko kara,

 pentsatzeak bakarrik

 sartzen dit ikara.

 -11-

 Arkitzen ez duanak

 pixuan aukera,

 laister joko du arek

 ijito-legera.

 Bestela beintzat beti

 gora eta bera,

 asmatu eziñikan

 geroko jokera,

 azkenean bertantxe

 ajatuko gera.

 -12-

 Fiatu zaiteztela

 olako andragaiz,

 despedida eman dit,

 ez da oso garaiz.

 Au gertatuko zala

 pentsatzen nuan maiz,

 ez andra ta ez pixu

 orain gelditu naiz,

 juan omen ninteke

 fraille edo apaiz.

 -13-

 Oraindik lasai nago

 mutilzar ordeko,

 igual ni azitako

 bainaute gordeko.

 Familia azita

 ainbat edadeko...

 gizona artzen badu

 bildurrak mendeko,

 mutilzar segurua

 eternidadeko!!!

 -14-

 Edadean sartuak

 badu au ta beste,

 zergatik ezkontzeko

 pentsatu ainbeste...?

 Urtietan goraka

 baldin bazoazte,

 zaudeten bitartean

 indartsu ta gazte,

 zartu baiño lenago

 ezkondu zaitezte.