Enaratxuak
Adizkide
(Nere adizkide Keperin eta Koldobika'ri.)
Gaur goiz-goizian ortze ederrari
Gelatik negon begira
¡Gauza ederrik ugari asko
Ludi onetan badira!
Bañan... onetan enaratxo bi
Bertan tellatu azpira
Etorri dira txorro txioka
Beren lurrezko kabira.
Gauza politak guztiz ugari
Jaunak ein ditu ludira
Eta txoriño ain polit oyek
Itxusiyenak ez dira.
Alkarri biyak beti arraika
Dabiltzan toki guztira
Bat urrundu da?... bestia ere
Aurki da, aren tokira.
¡Zeñen maitero dabiltzan biyak
Egetan jira ta bira!
¡Eunda sekulan nere aurretik
Aldenduko ez balira!...
***
Enaratxuak, zatozte arren
Etor ene ikus-begira
Poz atsegiña dakarzute-ta
Ene biotzaren erdira.