Martin, hartzaa, acheria eta astoa
Etxamendi, Manex
1
Etchaldeko Nausi Martin,
Iraulden ari zen behin.
Bere idi ederrekin:
Eta Golde-naharrekin:
Betan Hartz bat zitzaion yin,
Gose handichko batekin.
2
Hartzak dio Nausiari:
«Idi bat emadak niri»
Martinek aldiz Hartzari:
«Orai irauden nuk ari.
Lan hau baitut egin nahi
Orentto bat egon hadi».
3
Acheri bat ziatzaion yin
«Zer duk horren triste Martin?»
«Hartzak Idi bat galdegin;
Hortaz ez baitut atsegin,
Har-ez dezadan berekin.
Nik ez dakiat zer egin.»
4
Ah! hori baizik ez baduk
Batere malurrik ez duk.
Hartza hantche etzana duk.
Aise enganatuko duk:
Hori merke izanen duk.
Bi oilachko gaztetan truk».
5
«Joanen nuk hantchetara,
Nik oihunen daiat gora;
Zer da to hantcheko hura?
Hurbil hakio ondora:
Goiti altcha zok Naharra.
Eta tampetz, utz gainera.»
6
Hitz-arturik badoatza,
Egitea du oihu gaitza:
«Zer da hantehetan beltz-beltza?»
Martin khechurik bihotza,
Harturik Nahar-zorrotza.
Hantchet kalitzen du Hartza.
7
Acherriak: «horra bora!
Orai hor duk hil-gogorra.
Eni duk eman beharra.
Oilachko pare ederra...»
Martin baitzen hain chuhurra.
Igortzen dako chakurra.
8
Acheria da izitzen,
Bere chilorat hurbiltzen:
Ez da luzaz han egoiten.
Oraino barura baitzen
Berriz ere da itzultzen.
Martini beha gelditzen.
9
Martinek du lana uzten.
Eta laster etcheratzen.
Idiak ditu lachatzen.
Buztar-uhalak han uzten:
Acheria da hurbiltzen.
Eta uhalak ebasten.
10
Martin khechu berriz ere...
Astoak dio: «Nik ere.
Satifatuko hut aise:
Bazka on bat baituk hertche
Hortan nahi banuk ase.
Hiru (uzker) egin arte?» (1)
11
Hitzak elgarri emanik.
Martinek baietz, erranik.
Astoa doha arinik.
Bidea laster eginik.
Acheri-chilon yadanik
Han emaiten da etzanik.
12
Acheria zen ohartu,
Chilotikan atheratu,
Astoa nahiz tiratu
Uhalez du estekatu:
Astoak uhala hartu
Eta hantik eskapatu.
13
Harriturik Acheriko,
Hor yartzen da kokoriko.
Astoari erten dako:
«Ez othe hiz eroriko?...!»
Bainan Astoa lasterchko.
Etchean zen eguerdiko.
14
Astoaren balentria:
Ase bat irabazia...
Martin dena maleila.
Phentsaketa zen hasia:
«AStoa hor, asetzia.
Ez dukek abilezia.»
15
Astoa du bazkan sartzen.
Bainan makhilaz zampatzen,
Martin zitzaion segitzen,
Kalapitan han zabiltzen:
Aiphatu hiru azantzen
Egitea, behkr baitzen.
16
Ez, aserik heldu-dena.
Bai, beharrezkoa-dena:
Horra, nunduen lehena!
Gerochago bigarrera!
Geroan hirugarrena:
Hura Izan zen azkena!
17
Dena leherturik hola
Gero kamporat zohala,
Erori zen berehala.
Lurrerat Asto herbaila:
Han zagon hila-bezala.
Ahoa zabal-zabala.
18
Arrano, Bele, menditik,
Bildu ziren urrunetik.
Miruak dio goratik:
«Hori hilduk oraikotik.»
Hasten zaio hain gogotik,
Bele bat, kisk, kisk, ahotik.
19
Hegaztinak atseginez...
Astoa burutik minez:
Martinen gaizki-eginez,
Koleran zagon zin-zinez,
Belea ahorat yinez!
Hor, tinkatzen du haginez.
20
Astoa da krak, chutitze...
Etcherat buruz phartizen.
Etchek'andrea ari zen
Hairs chuchen labe-gorritzen:
Ez baita guti harritzen.
Zer othe zaion hurbiltzen.
21
Asto gaizon firrindan.
Bere Belea dilindan:
Hok, ikhusiz bere bichtan.
Andrea zen ikharretan
Labe-haga su-garreta:
Hartaz, yoiten du lumetan,
22
Beleari sua lothu.
Astoa aldiz erhotu:
Laster Bordara zen sarthu,
Hantche berean gelditu...
Bordan zen sua nausitu
Eta guziak suntsitu!
23
Horra Nausi-zikhoitzari
Zer malur zaion ekharri:
Kalte eginez bertzeri
Bere ongi egileri...
Nahi dena uros bizi
Bethi chuchen ibil bedi.
(1) Nahi bada erran daite:
Hiru azantz egin arte.