Bakersfield-en
Etxamendi, Manex
1
Ezteintzuitar maiteak agur bat zueri
Bai eta ber denboran zuen familieri
Lek-urrunetarik gira hunarat etorri
Hertarren ikustia zoin den atsegarri
Trago bat behar dugu brindatu elgarri
2
Ezteintzui, Ezteingibel, Pagaltzeta hori
Hoiekilan batean aipatu Behobi
Gure gazte denboran han gira ibili
Gero hunat jiterik etzuen iduri
Bizian pasatzen da ainitz gertakari
3
Naizbait hala beharrez herritik partitu
Geroztik Amerikan baigira kurritu
Eremu haundietan ginen barreatu
Hertar lagun onetaz ardura orhoitu
Beraz gaur elgarrekin gaitezen goxatu.
4
Zonbait ezin etorriz ditaizke gelditu
Jakin bezate hetaz girela orhoitu
Urtiak bere ondotik beste urtia baitu
Ordian juntazia Jinkuak plazer balu
Besta berriz eitia plazer litzaikegu.