Oringo Mendi tontorretik
Ernaizu
Nere gogo ta zaletasuna,
Dago beti mendietan;
An agiri da Jainkoa,
Altsua dela benetan,
Ori abesten dute batean
Ortziak eguzki izarretan;
Eta zugaitz eta arkaitzak
Euzkadiko oyanetan.
Aintza bada Berari,
Toki ta garai guzietan;
Bere maitasuna dagola,
Sendo gure biotzetan;
Ez dezagun naigabetu
Gure Jaun aundia ezertan
Artu gaitzan egun batian,
Beti betiko zeruetan.
***
Deun Mikel Goi-Aingeruari,
Egin diogun ikusmena;
Agertuz bizik dagola,
Gure animetan sinismena;
Beragan Jainkoaz landa,
Daukagu itxaropena.
Gaizkatiko duala zintzo,
Gure Euskal-erri laztana.
***
Nere biotzak artu zun,
Poz berexia egun orretan;
Goi-Aingerua erabilliaz,
Neronek nere eskuetan;
Ta jarriaz anai arreben,
Ezpaiń garbietan.
Gurtu zeraren apalki,
Nai zuten guzietan.
|