Apeztegiko Bordatik
Ernaizu
Berrogei laurleko ditut,
Asmaketan irabazi,
"Endoya" jaunari,
Eskerrak lenbizi;
Asmatzalle guzieri,
Nai diet adierazi:
Beren menpean nagola,
Laurleko ta guzi.
"Asmaketako" lanak,
Erabat bukaturik,
asiko gera idazten,
Indarberriturik,
Asko zeuden aspaldian,
Guztiz arriturik,
Nolaz "Apeztegiko" bordaria
Zegoan mututurik.
Borda inguruan badago,
Elurra ugari,
Mendiak eta zelayak,
Berdin dira nabari,
Eskerrak milla bider,
Goiko Jaun onari,
Emandigula aurten,
Bear ainbat janari.
Elurrak zuritu ditu,
Mendiak eta zelayak,
Axari ta beste pixtiak,
Ez dabiltz oso alayak,
Zuzendu ditzagun beti
Jaungoikoari gure nayak
Maitatuz egiaz alkar
Arrebak eta anayak.
|