Apeztegiko Bordatik
Ernaizu
Neguak komedi politak,
Jarri daizkigu aurrean;
Elurra lodi etzarri du,
Oringo mendi tontorrean;
Maindere zuriaren azpian,
Arbiak daude alorrean;
Ta gizonak su-gai bille
Berteneko malkurrean.
Eskale gizaxoak dabiltze,
Estutasun gogorrean;
Otzak pasaturik ezin jarriz,
Alprojak bizkarrean;
Dindiña derabilkie,
Jelaturik sudurrean:
Jaungoikoagatik oyetaz
Erruki gaitean.
Oyaneko pixtiak ere,
Badaukate naiko lana;
Goseak egon-ta,
Eziñ billatu lana;
Emanen balitzaye,
Naiz asto zar bana;
Nere ustez egingo luke,
Bakoitzak aldana.
Erbi gaxoak daukate,
Lanbide estuago;
Janbille irten bada,
Eiztaria erne dago;
Tiro-bide on samarrean,
Baldin jartzen baizayo;
Irtetzen dan kabira,
Ez da itzuliko geyago.
Orma txori moko motzak,
Txio-mioka asarrean;
Or dabiltz goseai eta otzak,
Eziñ antolatuz ezkill-dorrean;
Beren gogoko janariak,
Agiri ez dira lurrean;
Izanez ere arto aleak,
Ez dira bela ikusten elurrean.
¡Ea bada! irakurle maiteak,
Egin idazle onen esana;
Premin dagoen guziari
Bakoitzak lagundu al dana,
Zuen biotz errukitsuan,
Gorde denantzat txoko bana;
Goiko Jaunak onespetuko du
Biotz xamur errukitzen dana.
|