Apeztegiko Bordatik

Ernaizu

 Lore txorta politak,

 Dira biotz alaigarri;

 Ortaz Goiko Jaunak,

 Zitun guretzat jarri:

 Neri binzet gustatzen,

 Zaizkit izugarri:

 Ta nere Elizan jartzeko,

 Gertu dauzkat sarri.

 Ederki ematen dute,

 Etxe balkoi ta leyotan;

 Berari begira egon naiz,

 Txoraturik askotan;

 Egillearen Altasuna,

 Agiri dute margotan;

 Errikarria da gizona,

 Oldozten ez duna gaur otan.

 Loreto txikienak ere,

 Garbi digu agertzen;

 Ludiko gizon arroa.

 Alperrik dela aunditzen;

 Loretxo baten margoa,

 Asten bada ipintzen;

 Bere jakinduri guzia,

 Ezertan ez da gelditzen.

 Loreak agertzen dituzte,

 Margo asko ta piñak;

 Agirian dagon bezela,

 Ez dira denak berdiñak;

 Gorriak, txuriak, moreak,

 Beltxak, oriak eta urdiñak;

 Bakoitzak naitunak autatzea,

 Egin bitza alegiñak;

 Gorria, txuria ta berdia,

 Zaizkit neri atsegiñak;

 Auek daramazkielako,

 Euskal-erriko ikurriñak.