Apeztegiko Bordatik

Ernaizu

 Orrilla urteko illetan

 Da neretzat alayena.

 Bera dalako berexi

 Gure Amatxorena.

 Pozturik naiz ibiltzen

 Belardi guzik barrena

 Biltzen Amatxorentzat,

 Lore txorta ederrena.

 Artu dezazu bada,

 Amatxo laztana,

 Lore txorta biotzez,

 Eskeintzen dizuguna.

 Gure eskeñiak egiaz,

 Ez dira zure diña,

 Baña maitasunez ematia,

 Egingo degu alegiña.

 Loreak eramanen dizute,

 Garbitasunaren urriña;

 Ta poztuko da benetan,

 Zure biotz biguña.

 Eskeintzen dizut biotza,

 Amatxo maitia;

 Gorde zaidazu beti,

 Elurra bezin garbia.

 Au izanen da sarritan,

 Nere gogoko eskaria;

 Gorde zuretzat beti,

 Gure Euskal-Erria.

 Nai degu beti maitatu,

 Zure Seme Jesus maitia;

 Bere etsai guzietaz,

 Zu, bai, erruki zaitia.

 Agur bada Amatxo,

 Despeditzen gera;

 Eraman gaitzazu denok,

 Zeruan zu ikustera.