Ludiko izate oni jarriak
Erauskin Errotari
Jarraimena eta bukaera
Amar bat urte amaikarekin
egiten da komulgatu,
Kristoren Dotriņa ikasi eta
ditxaz Jaun Aundia artu,
bizi guztian berau pozikan
bear deguna agurtu,
zorionean bide deun au
egin zitzaigun agertu.
Ogei urtetik gora urrena
dago uztartzeko malla
mutillak maite neskatxa eta
neskatxak berriz mutilla
era onetan etortzen dira
alkartze deunaren billa
kistar faltarik gabe ludi au
aurrera joan dedilla.
Baita Elizaz artu bear da
matrimonio santua,
seme alabak ondo eziaz
azitzen izan kontua
obligazio orrekin dago
guraso dena lotua,
zorrotz begira daukagu gero
denon Aita Jaungoikoa.
Elizaz gabe alkar artzeak
oriek lan arloteak
Ludi onetan Jesus'en aurka
dabiltzan alkaboteak,
Etsai batzuen esanetara
sinismenean beteak
erejientzat itxita daude
zeruetako ateak.
Sinistu kristauak ludi onetan
gaude denbora gutxiko,
zuzen gabiltzan eta zeruko
aterik ez da itxiko,
aizken orduan Jaunak ez gaitu
aldendu eta utziko,
bere eskura artu gaitzala
Betiraunde guztiko.
Geure animak aizken orduan
dauzkaten kezka larriak
arren biotzak urtu ditzala
ezbadirade arriak,
eduki ditzagun zikiņik gabe
gaizkatutzeko jarriak,
erakusmen au argitaltzen du.