Horrela doa mundua
Enbeita, Jon
Peru ta Marik ez dabe nahi
semeen enberasurik,
Praisku ta Lolik ez dabe onartzen
seme bako ezkontzarik.
Libre nahi du, eskondu gabe,
bizi Patxik plazeretan,
Joseba berriz fraile sartu da
danok maitatu gaitezan.
Eta horrela doa mundua
danetariko gizonekin,
eta horrela doa mundua
bere akots eta birtutekin.
Karmen negarrez, Maite barreka,
Pilik ez daki zer egin;
Lanean jator dabil Andoni,
Iņaki lo amesekin.
Diru ta fama nahi ditu Kepak
ta agintza Joxe Marik;
Jonek ez du nahi saltzetan sartu,
egia nahi du Luis Marik.
Txantonek baietz, Sabinek ezetz,
Agustin bata ez beste.
Miren kantari, Mikel dantzari,
moskorrik moskor Bixente.
Olatz aurrera, Lurdes atzera,
Arantza geldi erdian.
Xabier donen kritikalari
Manu donakin bakean.
