Estarria dut mingotza
Enbeita, Jon
1
Estarria dut mingotza
Hau atsekabe zorrotza
Heldu zen gaixo arrotza
Esaten ere naiz lotsa
Hainbat urtean bizia truke itsaso baten morrontza
Gaur bi begiak lausotuak ta dardaran daukat ahotsa
Ezin dut kanta, ezin dut esan lertua baitut bihotza
Leiho ertzetik entzun zaitudan itsas olatuen otsa
Etorri zaitez, lastan dezazun elbarri honen bihotza.
2
Zure gatzaren aparra
Zure olatu indarra
Zure kresalaren garra
Daukat aitortu beharra
Zenbat urtetan, zure altzoan, itsaso eta izarra
Zure otsean gaur etorri zait gazte aroko izparra
Zure altzoan laztandu nuen hegoa eta iparra
Mogitu ere ezin naiz egin hau da nue zoritzarra
Zure altzoan nai dut atseden hauxe dut amets bakarra.
3
Azken mezuaren eskil
Zaratsu edo ixil
Beti gugana zaigu bit
Eta ez nago hain trankil
Heriotzaren sega luzea nire orpoetan dabil
Azken arnasa ikusten nago nire bihotzetik hurbil
Zu izan zinan gazte denboran nire ametsaren gurpil
Azken desio bakar bat daukat ta bera eskatzen uabil
Zuk eman zidan bizia eta zeure gan nik nai nuke hil.