Enbeita'tar Kepa ta Arrasate'ko Euskel-Eguna
Enbeita'tar Kepa
Geure asaba zarren odola
Daukagun arte zanetan
Agertu daigun euskaldun antzo
Geure arazu danetan,
Euzkera zarra egarriz ito
Ez dein legorte onetan,
Egarri ori ase dayogun
Maite ba dogu benetan
Itzak bakarrik indarge dira,
Egipenak ziņaldari,
Nor zelako dan bere egipenak
Erakusten dabe argi,
Euskaldun batek Euskal-Errian
Beti erderaz ba-dagi,
Alperrik esan "soy vascongado"
Erdeldun utza da ori.
Jainkoak nai dau mintzau gaitzala
Bakoitza beren izkeraz,
Doitxen, doitxeraz egiten dabe
Baita Prantzen be pratzeras
Gaztela'n barriz erderaz beti,
Guk zegaitik ez euzkeraz
Gure ele maite onek ezpadau
Zer ikusirik bestegaz?
Ez dago emen zuri ez baltzik
Ez dago politikarik
Euzkaldun orok euzkera aldez
Egitia da bakarrik
Ez daigun iņoz ostikopetu
Jaungoikoaren gurarik
Euzkeltzaletu gaitzan ba danok
Iņor be geratu barik.
Ikasi daigun erdera, prantzes
Naiz ingelesan elia,
Ikasteori ontzat daukagu
Baņa lenengo geuria.
Izkuntza danak gurgarri dira
Autortu nai det egia,
geuretzat baņa gurgarriena
EUSKERA MAITAGARRIA
