Maitasuna
Eleiz-Egi
("Ernani'ko Gudarien" alde egindako
jayean irakurritako Olerkia".)
Olerki bat osatu nairik
Anai gudarientzako,
Eziñaren burruka latza
Daukat bidean jartzeko.
Arlote naiz ta itxaropena
Zuek neri barkatzeko,
Aurrera nua ez da garaya
Ukatuta gelditzeko.
Melilla-aldeko gudarientzat
Dira gure oldozkunak,
Seme leyal ta illoba maite
Senar-gai diran kuttunak.
Zuen maiteño berri-zaleak
Ementxen daude itunak,
Gure gaurko jai eder ontan
Biotz agur bat zaldunak.
Gurutz deuna ikustatzera
Joanak dira gurasoak,
Otoitz beroan negar ta negar
Ixuriz malko gozoak.
Semearen etorrera-on bat
Opatzen dute auzoak,
¡Au bakarrik nola lezaken
Gure Goiko-Jaun altsuak!...
Erna-ni gure erriyarentzat
Izen egoki t'alaya,
Er-na zegola agertutzeko
Oraintxen baizan garaya...
Bere semeaz oroitu da ta
Lanean dabilltz galaya
Neskatx liraña, mutil zar ona
Guraso agintariya.
Xinixmen atseginkorraren
Egintza bat txit pollita,
Ikusten nago amona xarbat
Gelatxoan exerita.
Aldamenean iruditxo bat
Argi piztua jarrita,
Idazti bat eskuetan
Biotza urrun bai dauka...!
Guraso zarra zelaira joan da
Buruba makur an dago,
Lanerako gogorik ezak
biotz barrenean dio:
¿Lana zeñentzat, sendiyarentzat
Iya ume zurtz banago?
Ala ere jarrai dezadan
Aidari aida!.. (Arraa.. yiori) oo!..
Onetan oldozten dagola
Etxeko dei bat entzun du,
¡Aita aita!... betor aguro
Idazki bat artu degu.
Zeiñena izan ote leiken
Laisterka etxera jo du,
Bidean oldozkun txit latzak
Buruban igaro ditu.
Idazkazala iriki eta
¡Ura poza barrenean!...
Bere biotzeko Mikeltxo
Oroitu da azkenean.
Zazpi beltz berak bakar bakarrik
Ibili ditu aurrean,
Ez dek oso gozo izango
Au sutan asten danean.
Emazte-gai zeraten neskatx
Maiteño zoragariak,
Gudari euskaldunarentzat
Laguntzalle pozgarriak.
Zuen biotzak gorde bitzate
Len beziñ labe goriak,
Etorreran itzik ez uka
Lengo itza gorde biak.
Etorrerako egun artantxen
Oroitutzen naizenean,
Ikusten ditut zenbat guraso
Musuka seme artean.
Zori-ona iritxi dute
Atsedena biotzean,
Urte askotan opatzen diet
Talua t'esne artean.
Ernani'tar maite maiteak
Dei bat egiñ zizazuten,
Biotz onez erantzun eta
Orra danok bildu emen.
Eskerrik asko nik guztiori
Anai maite ayen ordez,
¡Gora Ernani biotzekua
Biotz bera orain da len.
Ernani'tik.