Donostiyako gazteak, Erregeen gurtea edo adorayiyoa, beren egunaren bezpera gabean, 1829-garren urtean

Echegaray, Jose Vicente de

 MARCHA.

 Humildes criados, leales, gratos

 Errege jaun irurenak,

 Há trece dias que caminamos

 Oriyentetik Belena:

 Al fin llegamos de gozo llenos

 Zoriyon leku onetan,

 Y nos hallamos postrados todos

 Jaungoikoaren oñetan.

 Le adoramos y le rogamos

 Arren gaitzala urriki,

 le alabamos y le pedimos

 Barkaziyoa umilki:

 Nada ofrecemos, pues que sabemos

 Bera dala egillea

 De cielos, tierra, ángeles, hombres,

 Dan guztiyaren jabea.

 OTSASTECHOA.

 Gure Jesus maitea

 Jayo dan orduban,

 Izar bat agertu da

 Berriya Zeruban:

 Guztiya da argiya

 Bere inguruban,

 Argiya begiyetan,

 Argiya zentzuban.

 Argi onen argiyan

 Argi degu ikusi

 Zer modutan aurrera

 Bear degun bizi:

 Lege berriya argi

 Digu erakutsi,

 Ta Jaunaren graziyan

 Ipiñiyarazi.

 Miragarrizko argi

 Ta graziyarekin,

 Bereala diyogu

 Bideari ekiñ:

 Gu izarrarekin ta

 Izarra gurekin,

 Jerusaleneraño

 Beti alkarrekin.

 Erri sonatu artan

 Geranian sartu,

 Eziñ izan ditugu

 Begiyak argitu:

 Zeren gure izarra

 Zaigun ezkutatu,

 Eta illundurikan

 Geraden argitu.

 Erodesi aditu ta

 Naigabez beterik,

 Aruntza biyurtzeko

 Ez degu asmorik:

 Gaiztotasun arrena

 Guk ezaguturik,

 Bere lurrera joana

 Gaude damuturik.

 Gero geradienian

 Andik ateratu,

 Gure zoriyon, poza

 Laster da berritu,

 Gure izar argiya

 Da berriz agertu,

 Oneraño berari

 Diyogu jarraitu.

 Ona guk nai genduben

 Belengo erriya,

 Ona zoriyoneko

 Portale azpiya:

 Ona billatzen degun

 Aur jayo berriya,

 Ona emen Zeruba

 Lurrera jechiya.

 Graziyaz ta doayez

 Beterik beingoan,

 Ama maite Mariya

 Ona non dagoan

 Bere Seme ederra

 Arturik besoan,

 Ona Aita-ordeko

 Joseren ondoan.

 EUSKARICHOA.

 Kristabak, berri onak,

 Doaya ta poza,

 Atsegin zorionez

 Naikeran bakoitza:

 Esker on aukeretan

 Beterik biotza,

 Zelebratu dezagun

 Jesusen jayotza.

 ZORTZIKOAN ADORAZIYOA.

 Aurcho jayo berriya,

 Zeruko lorea,

 Zure oñetan dago

 Melchor erregea:

 Eman dizu biotza,

 Eskaintzen urrea,

 Ez du beterik ezer,

 Guztiya zurea.

 Jesus, zure aurrean

 Da Gaspar arkitzen,

 Zaitu adoratzen ta

 Zaitu alabatzen:

 Eskaintzen inzensuba,

 Biyotza ematen,

 Barkaziyoa eta

 Graziya eskatzen.

 Mesias egiyazko

 Jabe on bakarra,

 Jesus Zerubetatik

 Jachitako aurra;

 Baltasarren eskutik

 Ar-ezazu mirra,

 Eta indazu arren

 Zure on eskerra.

 Ona Jesus, gure Jaun

 Zeruko aundiya,

 Emen zure oñetan

 Auspez ipiñiya,

 Gizonaren lurreko

 Aginte guztiya,

 Galdez barkaziyoa,

 Eskatzen graziya.

 EUSKARICHOA.

 Atozte ikustera,

 Atozte jendeak,

 Jesusaren oñetan

 Iru Erregeak:

 Emen berdintzen dira

 Aberats, pobreak,

 Berdiñak badirade

 Gure birtuteak.