ĄEriotza!
Eriotzaren ikaskai on bat
Astera noa gertutzen
Nere adimen lotutakoa
badet beņepein askatzen;
Zeruko Aita nere premiak
Zuri dizkitzut agertzen
Zure graziaz jantzi ezkero
Etzaigu asko kostatzen
Baņan bestela nik ez dezaket
Argatik dizut eskatzen.
Jakiņa dago, il bear degu
Mundura jayo guztiak,
Au esaten du gure fediak
Ta ezkillen "talan" tristiak;
Baldin kristauok ziņez bagaude
Zentzu zuzenez jantziak
Aldez aurretik egin ditzagun
Geroko bide garbiak
Gloriatuak izan ditzagun
Gorpuz ta anima guztiak.
Gogoratzen maiz jarri giņezke
Lenari begiratuta
Iltzeko zenbat egoten diran
Luzaro oyeratuta
Samintasuna artutzen degu
Gaitz orri begiratuta
Baņan bat-batez iltzeaz ere
Legoke ikaratuta
Baldin ez bada lenagotandik
Arkitzen ongi gertuta.
Zartuta asko bizi oi dira
Il izandu da gaztia
Aurrera ere gerta diteke
Bata bezela bestia
Ona egiten gaztetandikan
Obeki degu astia
Kaltegarri da zuzentze ori
Beti geroko uztia
Inpernurako arriskoan da
Orren anima tristia.
Izanagatik batek luzaro
Bizi izateko ustia
Gure eskuan ez baitakagu
Jaunak il gabe uztia;
Zenbat urteko edo norekin
Egin degu ba trukia,
Engaņatuak bizi gerala
Nai nuke erakustia.
Nai bada ta ez juan bear degu
Datorrenian eskia.
Bat bildurtuta egon diteke
Eriotzari begira
ĄAi nolakoa izango ote da,
Nere animen irtera!
Mundu ontatik joan bear degu
Surtara edo glorira
Egin ditugun emengo lanak
Merezi duten tokira
Andik geroko damutasunak
Alperrik izango dira.
Gure anima berezitzia
Ez degu gauza biguņa
Mundu guztia bildurraz daukan
Egun izu ta illuna
Gure Jainkoak ain ezkutuan
Au da ipiņi ziguna
Noiz, nola ta nun iņortxok ere
Batere ez dakiguna
Zenbat gerogo ta alderago
Guztiyoi datorkiguna.
Il bezin laixter juan bear degu
Jaungoikoaren aurrera
Epai zuzena emango duen
Jaun-Aundiaren urrera;
Antxen ikusi nai ez duanak
Bere animen galera
Aldez aurretik gozatu beza
Jesukristoren kolera
Bide onera biurturikan
Gaiztoak izan bagera.
Baldin errurik arki badegu
Geren animen kaltian
Garbitutzia Jesus'engana
Lenbailen bildu gaitian;
Geren gogo on eta Jaunaren
Laguntzarekin batian
Etsai gaiztoak lotu baņo len
Leize zuluko katian
Sendagai onak billa ditzagun
Munduan gauden artian.
Jaungoiko ona maitatutzeko
Itza guk eman genduan
Eta laguna gerok bezela
Kristauak or zer lan duan
Izatez oso argalak gera
Tentazioak buruan
Pekatarien Ama maitia
Emen erbeste galduan
Gorde gaitzatzu orain ta gero
Eriotzako orduan.