Arrantzaleen bertsoak. Ulia-Mendi'ko itoen oroimenez
Donibane Pasai
Erruki zaitezte
o kristau maiteak
larri dabiltzalako
gaur arrantzaleak
Sufritzen daude eta
famili tristeak
ez diotelako ez
laguntzen suerteak
Portutikan urruti
itxasora joanik
ezin ekarri dute
andikan arrainik
Iñoiz etortzen dira
abek esku utzik
trezak eta kordelak
urian galdurik.
Ikusirik andrea
ikusirik aurrak
negarrez asitzen da
orduan senarra
Esanaz Jaungoikoa
au da suerte txarra
batere kulpik gabe
gaur etorri dana.
Egunaz eta gabaz
dabiltz itxasoan
aize otzak arturik
beti arrixkoan
Saiatu dira baña
oran dañokuan
ala ere ezin bizi
dituzu munduan.
Itxasoa asarre
jartzen dizunean
arrantzaleak triste
dabiltz legorrean
Ikusirik mixeri
gorria aurrean
ogirik ez dutela
jateko etxean.
Limosna bana eman
gure anaiari
bizia galdu duten
sendi etxeari
Biotz-biotzetikan
esanaz Jaunari
laguntzeko Zerutik
arrantzaleari.
Inglaterra aldean
gizonak itorik
aurtxo eta andreak
Ez dute zer janik.
Euzko langille ziran
oroitu arren ta arren
zure esku zabala
Luzatu lenbailen.
|