Agate deunaren koplak
Nagusi jauna, onera
begirapena lurrera,
lotsa gerala etorri gera
jauna berorren aurrera.
Alkata jaunaz egon gera
atzoko arratsaldean,
bere baimena gerekin degu
ibiltzeko eskean.
Eder elizan aldare
arri landuz pillare,
Zeruko Amaren maiteak
etxe onetan badaude.
Atsoa dijoa kotara
nere begia lotara,
oraintxe noa nagusi jauna
nere bertsotxoetara.
Eder soroan goldia
soņean jantzi oria,
etxe ontako nagusi jauna
ondo gizontxo tentia.
Eder zeruan izarra
erreka aldean lizarra
etxe ontako nagusi jaunak
urre gorriz du bizarra.
Urre gorriz du bizarra
ta zillarrezko sorbalda,
berori bezin gizon zuzenik
erri onetan ez al da.
Etxeko jauna aurrena
gero dator bigarrena
etxeko-andrea abestutzeko
nagusiaren urrena.
Orra etxeko andre ona
orixe da zoriona,
pazko goizian jantziko ditu
bere soņean sei gona.
Zuri-nabarra azpiko
gorri oderra gaņeko,
Andrea, zure berdiņik ez da
etxe bat zuzendutzeko.
Eder basoan ezpela
nik ezin esan bestela
zure besoan lo egin lezake
zeru goitan bezela.
Arantza beltze ostro txiki
ertzera dago loretsu,
orain emendik bear genduke
zaldun gazte bat abestu.
orra or goian iturri
ura txorrotik erori
etxe ontako zaldun gazteak
amalau urre txintxarri.
Amalau urre txintxarri
zazpi nexkaen eguzki
aiek guziak alai izanik
geiago ditu irabazi.
Arantza beltza osto txiki
ertzera dago loretsu
orain ementxe bear genduke
nexka gaztea abestu.
Etxe ontako nexka ederrak
arpegi txuri-gorria
zure masalla iruditzen zait
krabeliņaren orria.
Krabeliņaren orriarekin
larrosa maiatzekoa,
zuri begira ementxe nago
biotzeko gaztetxoa.
Eder ezpala magiarekin
magia gerrikoarekin,
etxeko andea etorri zaigu
orrela eskupekoarekin.
Ortxen ere artu degu ta
orain abia gaitean,
ongi bizi izan urte askotan
agur ikusi artean.
Dios te salbe
bakailo-jale
zazpi ta lau amaika,
txoritxorikak ez ba legoke
berdin litzake lukainka.
Erreka-aldeko inguruetan
eperra dago kantetan
etxe ontako nagusi jaunak
... egingo al du galtzetan.