Negarrez

Bi

 Kaiol polit batean

 Karnaba txoria,

 Izaten dan bezela

 Illun pozgarria;

 Etxe txiki batean

 Jaio ta (i) azia,

 Ni ere naiz aitaren

 Poz eta atsegiña.

 Anai arrebak ditut

 Nigandik urruti

 Aundi naiak etxetik

 Sakabanaturik:

 Aitak negar samiña

 Amak du malkoa;

 Biai alaitasuna

 Damaiet, gaixoak.

 Oi zeñen polit-eder

 Gure ibar muñoak,

 Ase bear lituzke

 Euskaldun biotzak...

 ¡Bañan auxen negarra!

 Asko badijoaz:

 Arrotz artean gaude

 Gutxi emengoak.

 Itxaso apartsuak

 Oi! zeñen ederki

 Euskalerriari ¡pa!

 Dama on maiteki...

 Maitasun itxu ori

 Ai! guk ez berdintzen;

 ¿Jaunak ote digu, ba,

 Biotza ttikitzen?

 Mendietan iturrik

 Bai dirala garbi

 Ango urak dizkigu

 Ezetzen eztarrik...

 Kezka samintsuetan

 Sartu geranentzat,

 ¡¡¡Baso-zelai-mendia

 Gure gogoentzat!!!