Pedro Miguel Urruzuno zanari
Bat
Zer entzuten det
Jaungoiko maite
Nere biotzaren taupadan?
Emen ludiyan
Adizkide bat
Gutxiago izan nik dezadan,
Beti betiko
Zeru goi-gora
Igo dezula eriozkadan?
Auzpezturikan
Nik gurtutzen det
Naimen donea, Jainko ona
Naiz egin arren
Barren barruan
Miņa dun zauri zakona;
Zure-zurea
Orain da beti
Beti izan nai det on ona.
Urruzuno Jaun
Agurgarriya
Eunka gizonen euspena,
Apaiz gartsua
Txit langillea
Euskel-idazle zuzena,
Beti erein dezu
Euskel-biotzetan
Oituren azi ederrena.
Orain zeruan
Atseden zaitez
Ludiko lanen saritzaz;
Jesusen Biotz
Ta bere Amaren
Goraipenetan biziyaz,
Gutzaz etzaitez
Egundaņo aztu
T'emen dauzkagun premiyaz.
Ainbeste maite
Maitatutako
Jesus Karrera lagunak
Guri egin zigun
Utsune aundiya
Nai ta ezin bete degunak
Naigabeturik
Bai utzi gaitu
Urruzuno il dan egunak.
|