Eskerrak

Azpillaga, Jon

 Agurtzen ditut Labaien jauna

 eta Imanol Murua

 Pasai San Pedro, Berriatua,

 Mutriko eta Ondarrua.

 Agurtzen det Astoria hontan

 bildu dan jende mordua.

 Saria ekartzen heldu direnak

 berdin agurtzera nua,

 ta bertsolari lagun haueri

 agur eta esker berua.

 Egia da bai, herri zar hontan

 kantu asko det emana,

 baina negurriz gorakoa zen

 bertsolarien esana.

 Hainbat senide, hainbeste lagun

 bildu zaizkit neregana,

 badakizute bana-banaka

 agurtzerik ez dedana,

 denok batera hartu zazute

 besarkada haundi bana

 Bertsolarien bizimodua

 dira pozak eta penak.

 Etxetik erren eta herririk herri

 ibiliak geradenak.

 Baina gehiago sufritutzen du

 sukaldean zai daudenak.

 Bertsolarien emaztekiak,

 nerea era bestenak,

 zuek zerate txalo guztiak

 merezi dituzutenak

 Ta Lopategi lagun zarra ere

 aitatzea komeni zan,

 garai batean uztarri baten

 berakin ibilli nintzan.

 Polizi eta guardizibilak

 gure atzetik zebiltzan.

 Bertsoa gendun gure armatzat

 gerra edo gudaritzan,

 poz bat badaukat egin genduena

 ez zala alperrik izan.

 Zuzendaritzat hartu dezagun

 Gernikan dagon haritza,

 zazpi anaiak goza dezaten

 egiten duen geriza.

 Bertsolariak herririk herri

 predikatzen gabiltza,

 menderik mende bizi dedilla

 gure arbasoen hitza.

 Eskerrik asko ta agur danori

 ta gora bertsolaritza.