Urikalduak!
Arzac, Antonio
Ederra zera ¡o itsasoa!
Daña zu baño ederragoa
Da zuregatik alargunari
Isurtzenzaion ¡malko tantoa!
Sendoa guztiz dezu orroa
Baña neretzat sendoagoa
Da zuregatik umezurtzari
Jaiotzenzaion ¡zizpuruchoa!
Garratza dezu zurrunbilloa
Baña au baño garratzagoa
Da gurasoak ¡semerik gabe!
Botatzenduten ¡antzi eroa!
¡O Jaungoikoa! Zuk dezu ¡bai! Zuk
Oek ainbbste maitetakoa,
Itsaso bagak etzuten ito
Ark eginzizun orazio,
¡An!... urazpitik bialduzizun
Gaisoak bere biotz osoa,
Gurutze Santu Lezokoari
Erreguturik ¡barkazioa!
¡Aur, emazte ta gurasoentzat
Eskaturikan konsueloa!
¡O Jaungoikoa!... ¡Aita zera ta
Emanzenion zure kolkoa
Eta Lurrean zabaltzendezu
Karidadeen usai gozoa!
¡Poztugaitezen!... Zeruan dago
Gure betiko ¡amorioa!