Pachi eta Kondesi jaunari eskeiñia [Pr.-ber.]
Arzac Alberdi, Antonio
¡Zeñen choragarria
Udaberrian
Chorichoak aririk
An jolasian!
¡Zeñen tristea orain
Udazkenian
Chorichoak utzirik
Bakardadian!...
Au bera pasa zaizu
¡Nere. biotza!
Len kontentuz beterik
¡Gaur zaude otza!-
***
-¡Maria!...
Egun-sentiko izar ederra
Sortzetik garbi garbia,
Aingeruchoen Erregin gozo
Dena graziaz betia.
Zeru ta lurrak choratutako
Lore guztien loria,
Deserri illun munduko ontan
Argi distiatzallia,
Triste gaudenon konsueloa,
Gure pozaren kabia,
Pekatarien Amacho laztan
Kupidakorra, eztia,
Aranzazuko mendietara
Zeruetatik jachia,
Euskal-lurraren gordetzallia,
Bedearen kuch bizia,
Miserikordiz beterik zauden
Gure esperanza guztia,
Eriotzaren gozagarria,
Salbazioko bizia,
Jaungoikoaren zizpuruchoa,
Gizonen malko zapia,
¿Ez aldiozu nere aitari
Erakutsiko Semia?...
|