Ongi etorria
Arzac, Antonio
Atozte zorionez
Utzirik Franzia,
Nazio aundi ori,
Aiņ maitagarria;
T' egin kontu zuena
Dala gaur guztia
Onratutzen dezuten
Euskaldun-erria.
Bidasoatik aronz
Anaiak izanik,
Zuetan aiek oraiņ
Ikusten ditut nik;
T' anaiai bezela
Izketan jarririk
Oroitz bat nai dizutet
Eman biotzetik.
A...! agertzen zaizute
Begien aurrean
Festa festen gaņean
Donosti maitean;
Baņa festak ill ziran
Euskaldun-lurrean
Gernikako Arbola
Ill zan egunean!
Pistuko da; eta gu
Len illtzen bagera,
Betoz zuen semeak
Ondoren onera,
Ta gure semeakiņ
Pozturik batera
Dijoazela denak
Arren itzalpera!
Ontan pensatzen degu
Egunaz ta gabaz,
Sekulan aztu gabe
jainko ta Fueroaz;
Ta bukatzera noa
Maitero, Euskaraz,
Esanik: Bizi bedi
Franzia, gloriaz.
|