Kristinau buru goyen aita Santu Leon XIII-garrenari
Ruiz Arbulo eta Gorosabel, Isidoro
I.
Galileako errietati
bere ikasbide santua
Guri erakusten ebillenean
Jesus maisuen maisua,
Jenezarethko ichaso ondoan,
bein aurkitu zan lotua;
Ta salto eginta ontzi batera,
Joaten asi zan beste aldera.
Ontzian bertan sartu zituzan
gizon ikasle maiteak,
Beraganduta oso eukazanak
ainbat mirariz beteak,
Zeintzuk ikusi euren poz pozik
ango inguruko jenteak
Jarritze utzela nekatu barik
Jesusen berbak aitu gurarik.
Urak egozan geldi geldiak,
ezan sentietan aiserik,
Eta ontzichoak topa ez eban
ur leuna baño besterik,
Ezan ikusten zeru urdiñean
eldu zeiteken okerrik,
Ta ibake onetan Jesus nausiak
Loz ichi ebazan bere begiak.
Baña andik laster puztu zirean
ugoitza areko ur geldiak,
Ta aise indartsu bat unean bertan
sorturik, ontzi chikiak
iges nai eban, baña goituta
olatu aserre biziak,
Luma bat legez goyan ta bian
Ondatzen euren bitsen artian.
Arritu dira ichas gizonak
ekach gogorra ganean
Ikusiagaz, ta ondatateko
arrisku andien urrean
Euren chalupa, ta oindik Maisua
lo gozoaren bakean,
Ez da irazartu eta ichasoan
Zer jazoten dan ez dan gogoan.
Estu estuan aurkitzen dira
ikasle chito tristeak
Euren ontziko arraun mardoak
oso apurtuta nekeak,
Gordezkerarik egin ezin da
euren indarren batzeak,
Gomutau dira Jesus onagaz
Ta egin dituzan mirariakgaz.
Diadarrez deike irazartu euren
ta auspaz echunik barkuan
"¡Jauna dirautse, galduak gara
zeuk salbau gaizuz.s Ta orduan
Jesus maiteak erruki artuta
baña gorderik barruan
Zematzen ditu aiserretuta
Ta esaten deutse eurai biurtuta:
"Fede guchiko gizon koitauak
¿Zergaiti zare bildurtu?..."
Zutinduten da ta bere agindu
aiseak ziran mututu,
Ta ichasoko urak espillu egi
bere ordeagaz despuztu,
Alan Jesusek bere ikaslari
Egin eutsezan ainbat mirari.
Ikasi daigun guzti guztiok
egite dontsu onetan
Geure gachurre, geure penetan
sendagarria topetan;
Ikasi daigun ta ez daigun aztu
esan direan berbetan
Nun dan munduko etorkizuna
Nundi datorren gure osasuna
II.
Erromako jauregi goyenean
Munduko altsuak deslairik ichita
Orra gizon bat Jesusen aurrean
Bere besoak krutzean jarrita,
Orain diran gachakgaiti lurrean
Zerurontz bere begiak jagita,
Dirautso negarrez Jaungoikoari,
¡Parkatu Jauna zeure erriari!
Bere begikust ziurra echunagaz
Lur gañeko baster guztietati
Dakus atsakabe garratzenagaz
Fedea aldendurik errietati,
Ta ichirik begiak biotz miñagaz
Ainbeste gachurre somauagaiti,
Jesus maiteagana biurtuten da
Izan dein gure osasunaren prenda.
Bere umearen guraso ajolatia
Desbizitzen da gure onagaiti;
Bere zurtazun ta jakituria
Isuri dira alde guztietati;
Guri erakusteko zein dan egia
Aldenduaz gauza charretati
Ta alan jarrita zeruko bidean
Bizi gaitezen zorion bakean.
Arimen eguzki bizierazlea
Kristordeko eregitua lurrean,
Bera da Jaunaren ikasbidea
Erakusteko mundu zabalean
Dagoana, Bera da gordetzallea
Fede Santuarena Kristau artean:
Bera guztien buru eta erregea,
Zeruko atetako giltzen jaubea.
Gomutarentzat otzarozallea,
Adierarentzat izar argia,
Borondatearen subtentzallea,
Biotzentzat Bera maitegarria,
Bera da graziaren emaillea,
Bera ur biziaren iturria,
Zeiñek gizon duiñari erbeste onetan
Biotza atsegiñez deutse betetan.
Berak eskubide arrigarriena
Munduko altsuen gañeti dauko,
Berak egindau legerik onena
Gure eginbearrak ziur betetako,
Lege zarra ta beti barriena
Erriak bakean gordetako,
Jaunak Sinayan otsandetukoa,
Ta Kristok Krutzean santutuikoa.
Bere bekokia ganargitua,
Bizitzako ekach galgarrietan,
Goitarki ederra guztiz argitsua,
Portu segurua arriskoetan,
Zeru illunen ustarko goratsua
Eta erruaren gau illunetan
Illargi garbi eta izar argia,
Argitzen dabena izeta guztia.
Orregaiti Bere deadar samurrak
Irazartu dituz sarri ta sarri
Lo dagozan gizon munduko guzurrak
Darabizenak eruan ta ekarri,
Ta lupe baten jausteko bildurrak
Estututa, dirautse Berari:
¡Aita! zure umechoak emen gara
Buruak makur zure aginduetara.
Orra zelan amodioz sututa
Agura Santu beneragarriak
Berba egiten daben ajola artuta
Ikusirik naibagetan erriak,
Ta mundua daukela ingurututa
Infernoaren ekarau itsusiak,
Oartuten gaitu señalatuagaz
Kontu euki daigun uts barriakaz.
»¿Zer darabizube gizon zoroak
»Beti zoriontasunaren billa?
»¿Zelan nai dozubez zuen asmoak
»Jarri, euki ezkero ain fede illa?
»¿Zelan uste leike ilurtar gaisoak!
»Itzulitzea lurreko boilla?
»Ez bada irudusta chikienarik
»Zorionean, siniste bagarik.
»Esanda dauko Espiritu Santuak:
»Asiera jakituriarena
»Jaunaren bildurra dala; munduak
»Mezprezatuaz Jaunaren izena
»Illundu ditu biotz ta buruak
»Zabalduta jakintza guzurrena,
»Ta orain ikusten danean galduta,
»¡Ori ez! diño guzuz arrituta.
»¿Nor da gizartean ain ajutua
»Ekach deslotuak eziteko?
»¿Nun dago gizakume ain errutsua
»Oñeztarriak menperatzeko?
»¿Nun dago, nun, nun, gizon jakintsua
»Eguzki barik argituteko
»Zeruak, lurrak, odeita ichasoak,
»Ta biztu ainbat mirari izetakoak?
»Erain zituenak utsena aiseak
»Orain batuko ditube ekachak;
»Len emondako ejenplo doekabeak
»Gero dakardez negar ta gachak:
»Len ikusteurenak miñik gabeak
»Justiziaren kontrako garaitzak
»Gaur lengoak aztuta, gura leuke
»Bakean bizi ondo esanen truke
Agura Santu beneragarria,
Zeruko atearen zaintzallea,
Onoidade guztien ganargia,
Ondasun nausien ekarlea,
Jakintza guztien jakituria,
Gure pausuen giatzallea,
Zure ikasbide Jaungoikozkoat
Sendatuko ditu erri gaisoak.