Loyolako bidean
Arzac, Antonio
Zuk perlaz janzitako
Nesk'ura negarrez
Topatu nuen atzo,
Ta beterik festez
Galde nion ¿miñ dezu?...
Neri esan nai ez?...
Goazen ene echera,
Musuz ta laztanez
Amak jarriko zaitu
Laster farrez-farrez.
T'orduan ta geiago
Asi zan dolorez
Negarra zeriola,
Esanik-am ... ak... ez
Era... man... egiñ... du... te
Ta... tapa... tu ... lurrez.-
.............................
Echean sartu nuen;
An, amaren ordez,
(Ama baten ordeak
Egiñ al balitez),
Emakume bat zegon
Janzirikan beltzez,
Ta artu zuen neska
Guztiz modu onez.
Irtenik, nere penak
Egiñ zidan gañez:
Zerua ageri zan
Beterik odeiez,
...............
Umezurtzen zerua
Zan ¡ai! nere ustez!
|