Bi loreak

Arzac, Antonio

 Lore polit bat, libre jaioa,

 Arkitzen zan bart gel ederrean,

 Ta gau-erdia ia zalarik

 Milla kandelen argi tartean;

 Denak esanaz:-¡zer primorea!-

 Begiratutzen ziotenean.

 Lorecho arren laguna zana

 Kanpoan zegon ordu berean,

 Bere kandela illargia zan

 Perlaz janzirik bakardadean,

 Eta gorderik an..., ostopean,

 Chori kabi bat aldamenean.

 Eguna dator: lenbizikoa

 Muker-mukerra degu topatu,

 Ta bigarrena ¡zeñen gozoro

 Chori chikiak duten esnatu!

 ...........................

 ¿Zer esan nai du kontuchu onek?

 ¿Ez dezu oraindik, Joakin, asmatu?