Berso xorta. (Nere chikitako adiskide Alfredo Laffite-koari)
Arzac, Antonio
¡Lur maitea!
Ala hola enara
Lengo kabira
Nator gaur ni ere
Jaio-tokira
¡Nork daki denborak
Emanik jira
Emen ote naizan
Joango obira!
.............
¡O aingeruchoak
Zuen erdira
Eraman nazute
Zeru-glorira
Utzi gabe joaten
Erdal-erdira!
Euskaldun joan nai det
Nik lur-azpira!
***
Berso-egillea
Zu ¿zein da gizon ori
Orren arlotea?
-Choro gaiso bat, utsa,
¡Berso-egillea!
Ez dakiena zer dan
Aberastutzea,
Eta mundu onetan
Ondo bizitzea;
Choriak bezela du
Isilltzen gosea.-
¡O zu, gizon aberats,
Jakintsun ernea!
Ezpadezu mudatzen
Munduko legea
T'egiñ biotzik gabe
Aurra jaiotzea,
Gertatuko da gero
Aur ark maitetzea,
..................
¡Tortolloa bezela
Urrungaz illtzea!
***
¡Ostua erortzen...!
¡Dijua!... ara bruma ta lañua,
Abo-zabalka asi da kanpua,
Datorkio lua
Zeña dan... ¡negua!
***
¿Non da?
Baserricho artan
Ollua karakaz
Zegon,
Egin du arrautza
Billa zak, ene, non
Dagon,
-Ez dago kabiyan,
Ez met'onduan, ez
Iñon-
Ta... ¡aur orren gisa
Dabiltza gaur zenbait
Gizon!
|