Ama Birjiñari kandelegunean

Arzac, Antonio

 Mundu onetan penikan bada

 Itsasoan non lurrean,

 Kandelacho bat irazekia

 Ikustendet nik aurrean,

 Eta ¡Maria! agertutzen zait

 Argi arren dizdizean

 Erregutuaz Jaungoikoari,

 Amoriozko garrean,

 ¡Zabal dezala konsueloa

 Triste daudenen artean!

 ¡O Ama Ama! Nere aldetik

 Zuri esker ematean,

 Zuri begira, choraturikan,

 Itzik gabe gelditzean,

 Diot doi-doia: ¡Zuregan daude

 Nere bersoak gordean!