Zakurra eta igelak
Artola, Ramon
Zakur zar bat sebillen
aspaldiyan miñez,
erremedioakin
sendatu eziñez;
chit zarra izatia
san zeukarren miña,
argatik zuben beti
gaiztokeira griña;
Bere gisakorenbat
alderatzen bazan,
beldurrez zokuetan
noiz nai gordetzen zan;
bañan mendekorikan
billatzen bazuben,
letagiñ zorrotzakin
purrukatzen zuben.
Egun batez putzura
abiya zan joaten,
non dituben igelak
kantuan sentitzen;
eratera zanian
ara alderatu.
igelak etziraden
batere ikaratu;
ontan zakur miutzubak
esan oidu "Isho;
bestela nik saituztet
ilko zenbait gasho",
bañan igelak urtan
bildurrik etzuten,
eta beren lanari
ekiten ziyoten,
asarraturik oso
zakurra, ayei
saltaziyon gañera
bertan zeudenari;
bañan bestian nola
askocho zekiten,
ur pian bat batetan
estali ziraden;
zakurra miñez eta
gañera nekian
ibilli zan atzitzen
sarturik ur pian,
bañan askenerako
urez bsterik an
itota gelditu zan
pustu pusturikan.
.................
Miña danian iñoiz
barrenen sentitzen
pasientziyak baitu
erdiya sendatzen,
bañon asitzen bada
iñori mengatzen,
azken pagua sayo
barai etortzen.
|