Udaberria

Artola, Ramon

 1.

 Uda-berria.

 Otzak eskasten dira,

 denborak arintzen,

 aize charrak ez dute

 len ainbat agintzen,

 sarritan zerupea

 dalako garbitzen,

 eguzkiyak du urdin

 purutik ergitzen,

 eta alai da guztiz

 kanpoa arkitzen.

 Berdeturikan mendi,

 zelai ta mastiyak,

 pozez kantarijartzen

 dira egaztiyak;

 egunaz eguzkiyak,

 gabaz intz eztiyak,

 lurrak pararik gozo

 legor ta bastiyak,

 loratzen dira fruta

 arbola guztiyak.

 Oez gañera dira

 azaltzen chit fiñak

 usaidun lore zuri,

 gorri ta urdiñak;

 liriyo, azuzena,

 aleli, jazmiñak,

 nola arrosak eta

 ala krabeliñak,

 guztiyak guretzako

 zerubak egiñak.