Otsoa, auntza eta artaldea
Artola, Ramon
Ardiyak zebiltzala
ur eskiñ batean,
beren ariyagandik
zerbait apartean,
auntza ikusi zuten
alde beretatik,
otsoak segitutzen
ziola atzetik,
eta izuz beterik
ikusteaz ura,
beren burubak bota
zituzten putzura;
auntza ere jechi zan
ur baztar artara,
bañan etzuben sartu
nai izan urtara;
ezpada saltatubaz
arritik arrira,
pasa zan errioan
beste alderdira;
andik egonik otso
zarrari begira,
ikusi zuben joaten
oso urrutira,
eta zegoan tokiya
izanik kaskarra,
berriz lengokora zan
pasa auntz azkarra.
An topoz egiñikan
ariya ta biyak,
galdea egin zion
segiran ariyak,
ia zekiyen ango
ardiyak non ziran,
eta eranzun zion,
nola galduk ziran,
otso bat jachirikan
menditikan ara,
aren igesi salto
zirala urtara:
eta zilipurdika
ibillirikan an,
itota nola urak
zituben eraman,
bera ere ezpalitz
azkarchoa izan,
anchen itoko zala
gaiso aien gisan:
bañon salto emanaz
arritik arrira,
pasa zala urean
beste alderdira.
¡Zer azkartasuna dan
zuk egin dezuna!
esan zion, ariyak;
¡zer gauza! ¡zer lana!
urian pasatzea
arkaitz gañetatik;
ori begik ichuta
egingo nuke nik.
Eta ala zeudela
biyak jarduketan,
beriz zuten otsoa
ikusi chit bertan,
eta abiyaturik
beraren igasi,
errioan pasatzen
baitziraden asi;
bañan erdi parean
ziranean biyak,
chirrist egiñik arkaitz
gañean ariyak
pitipun erori ta
ito zan urian,
eta auntza pasa zan
lengoko bidian.
...............
Urgullu geiegirik
ez da bear izan,
ez dedin bat gertatu
ariyaren gisan;
guk maiz besteren lanak
errezak ditugu,
eta gaizten zaizkigu
artan jartzean gu.
|