Otsoa eta zakurra
Artola, Ramon
Mendiyan zijoala
artalde osoa,
bere ingurutik zan
pasatu otsoa;
eta aren zakurrak
ikusirik ura,
esan zion-i aiz i
emengo lapurra;
ik ukan gure ardi
on bat lengoan jan
eta nere beldurrez
itzan itzuli joan:
-Ez nauk berriz esango
orlakorik neri,-
eranzun zion otso
zarrak zakurrari:
eta zakurrak berriz
ari segiruban:
-bai ik lapurtu ukan
eta ik ukan jan:
eta agerkaitzeko
dala au egiya
ara non dekan emen
testigu ariya:
-testiguba nik ere
ekarriko diat,
(esan zion otsoak),
dakina badiat,
erabakiko duna
justuba naizela,
lapurra egundaņon
izan ez naizela-
eta joan ta segiran
testigu birekin,
jira zan, katamotza
eta arza rekin;
eta zakur-ariyak
arrazoi ta guzi
joan ziran andik pisti
char aien igasi.
................
Onek erakusten du
arrazoya ona,
dala, baņan indarrez
janziya dagona:
utsetik dala jartzen
okeriņorekin,
eta ez fiyatzeko
geiegi arekin.
|