Otsoa eta igaraba
Artola, Ramon
Otsoak ikusirik
igarabak urtan,
nola bereganatu
zuben arrai bat an,
egonik bera bazter
batean gordeta,
legorrera zanean
esan zion joanta,
etzeukala echean
ezer zer janikan,
eta arrai urase
naizukeala jan;
eta arrantzalea
izuturik oso,
ikusitzeaz bere
buruba an preso,
segiran arraia ta
bera jan etzitzan,
esan zion: ez deike
ori jauna izan;
gaur da nere aiskide
on baten eguna,
eta nola baitetan
biziro laguna,
lenaz aginduba det
arraia berari,
eta ezin paltatu
neioke gaur ari;
bestetik gauza piska
da au bedorrentzat,
eta naiko otordu
ederra arentzat;
bada emendik ezda
arkitzen urrian,
sare zar bat dagona
legortzen lurrian,
eta mutur batetik
artzen badu ura,
ni naiz bastearekin
sartuko putzura,
eta an biyok neke
aundirikan gabe,
egingo gera naiko
arraiaren jabe;
eta ala arturik
ontzat ark esana,
sarri billatu zuten
sare alde zana,
zeņen otsoak ari
firme el zeikion,
edo zarpatik itzul
egiņ etzeikion,
trabatu erain ere
baitzion lepotik,
eta prest zan denboran
jarri legorretik,
igarabak saltarik
oso ur aundira,
andikan zion gogor
sareari tira,
eta iraulpeturik
otsoa aurrerat
zilipurdika joana
izan zan urera.
...............
Gizonak du tranzetan
egor bear ernai,
bere etsayak egiņ
ez dakion zer nai;
ala gaistoarekiņ
badu zerbait tratu,
aren itzik egitzat
ez du bear artu.
|