Otsoa eta cherriya

Artola, Ramon

 Zijoala ardiyak

 janikan otsoa,

 ase ta ezin eman

 zubela pausoa,

 billatu zuben loitan

 cherri bat etzana;

 aztalka ibillita

 zikinduba dana;

 eta piska batean

 begira egonik,

 esan zuben: eztet nai

 jan gauza zikiñik;

 izan liteke ere

 egotea miñez,

 eta nik ala dagon

 edo ez, jakin ez;

 noan, noan itsatsi

 ez daikidan miñik,

 eztet nai nik zikindu

 orrekin agiñik;

 eta kaso geiago

 egin gabe ari,

 segitu zion bere

 lengo bideari.

 ..............

 Zer jana izan eta

 gogorik ezpada,

 zer nai gauzagatikan

 aitzakiya bada;

 edo dala gaziya

 edo dala geza,

 eta faltik aundina

 da gogorik eza.