Otsoa eta astoa
Artola, Ramon
Mendiyan jabeturik
astoaz otsoa,
etzuben ill nai izan
jankai ain gozoa;
bada ito baņan len
asto umill ura,
beste gauzarik jaio
zitzaion burura,
esan zion:-asto bi
ageri dituk an,
eta ia ekarri
arazten ditukan:
jo zak gogoz tronpeta,
egin zak arranza,
deitu eiek igana
datozen onuntza;-
baņan astoa nola
izuz illa zeguen,
nai arren arranzikan
eziņ egin zuben:
eta otsoak ura
ikusteaz ala,
aren tronpetazorik
aitutzen etzala,
bera asi zan asto
papera egiten,
beste bi astoai
aruntz otsegiten;
baņan gizarajoa
artan ari zala,
arzaiyak nabaiturik
otsoren bat zala,
eta armak artuta
joanik bere billa,
an izan zan otso zar
tranposoa illa.
...............
Onek erakusten du
zenbait zenzu gabe
egiten diradela
chapelaren jabe;
eta batekin ezin
tapatuz bi buru,
gelditzen dirala ez
chapel ta ez buru.
|