Otsoa eta akerra
Artola, Ramon
Otsoa amildurik
bein mendi gaņetik,
zinzillik zan gelditu
arkaitz gain batetik;
eta gertatzen zala
chit neke aundiyan,
itsatsirik azkazal
zorrotzak, arriyan,
gertatu etzediyen
bea jo ta illa,
orrubaz abiyatu
zan laguntza billa:
ontan aker bat alde
gertaturik andik,
eta aiturik aren
negarrakain aundik,
urrikaldu ta joanik
beraren gaņera
nai izan zuben larri
artatik atera.
Ala luzaturikan
adar bat berari,
otsoa goititu zan
eldurikan ari;
artaz on iritzirik
otsoak orduban
ziozkan milla esker
on segiran eman,
eta pentsatu zuben
naitasun batekin,
aurrera bizitzea
biyak alkarrekin;
baņan luzaro izan
ez baitziran ala,
bada egun batean
gose zamar zala,
otsoak zinzurretik
ortzak sarturikan,
ill zuben akerra ta
segiran zuben jan.
..................
Onek erakusten du
gaiztoa danakin,
kontu aundiz ibiltzen
bear dala jakin;
ez izatekoz lagun
fiņ edo onikan,
ez izatea obe
dala lagunikan.
|