Onenzaro gaba

Artola, Ramon

 Poz-gariozko oroitza gozoz

 igarorikan eguna,

 alkarturikan gatoz kantari

 doaindutzera gau ona;

 alai zaitezte echeko denak,

 esnatu lotan dagona,

 adora zagun Jaungoikoaren

 Seme mundura zaiguna.

 Lenendikako zarretatikan

 dago oitura jarriya,

 soñuz ta kamuz adoratzea

 Jesus aur jaio berriya;

 gozoztu bitez biotz guziyak,

 jolastu bedi erriya,

 zeruban nola lurrean gaurko

 gaba da zoragarriya.