Kurrilloak eta olloak
Artola, Ramon
Sort alderditik jaiki
ziran kurrilloak,
pasaran ikusirik
zelayan olloak;
goitik otsegin zien:
-agur aizpachoak,
ongi neguba pasa
zazute gasoak;
gu guaz otzetikan
berora igasi,
sort alde ortan negu
charra du ta asi;
agur, agur adiyo
uda berri arte,
negubari egin pech
bizi fuerte fuerte:
zeņei eranzun zien
olloak segiran:
-ai zuekin egan or
nor litezkean joan;
ai nork leukaken zuen
abillidadea,
orren errez joateko
orlako airea:
baņan nekatu gabe
geiegi bidean,
egon bat egiņ obe
zenuteke bian:
atozte aizpachoak
onuntz guregana,
emen ezta paltako
zuentzat zer jana;
bidez nola dezuten
egariyen fama,
nai genduke guk artu
leziocho bana;
ikasi ta zuekin
egatu dezagun,
negu gaiztorik emen
pasa ez dezagun:
-bai, esan zien, pozik
giņake jachiko,
baņan or gu gizonak
ginduzteke ilko:
-a! orduban zuazte
zuazte ortikan,
eranzun zien ollo
onak azpitikan;
esanaz, bagenduke
ongi egatuko,
zuen jipoya bera
genduke artuko;
eta guk-obe degu
bildur gabe bizi,
eta ez egan zuek
bezela ikasi;
eta ala penakin
joanik kurrilloak,
penikan gabe ziran
gelditu olloak.
...............
Gu ere asko gera
inbiriz bizitzen,
beste degun denboran
ongi-ikusitzen
baņan badiogu gaitz
charren bat ikusten,
orduban eztiogu
inbiririk artzen.
|