Kirkirrak eta igelak
Artola, Ramon
Nola kirkirrak, ala
igelak, kantari,
ziralako egiņal
guziyan maiz ari,
kejak joan zitzaiozkan
legoi erregeri,
ain gogor kantatzen ez
uzteko ayeri;
eta onzat arturik
erregeak ura,
eman zioten urte
beteko denbora,
lur ura libratzeko
irteteko andik,
aren mendean ziran
alderdietatik;
baņan nola ibai bat
pasa bear baitzan,
eta au pasatzea
kirkirrentzat gaitz zan,
alaz ere denboraz
zezaten pasatu,
zubi bat egitea
zuten an pensatu;
eta arturik lagun
egiteko lanak,
oso zubi egille
onak armiarmak,
utzirik kantak eta
kanta kontuk oso,
zioten denak gogor
lanari eraso.
Igelak ezertara
sayatu etziran,
non beren indarretan
piyatzen baitziran;
esanaz, gu igari
dakigunak gera,
eta noiz nai ur ortan
pasako baikera:
baņan azken eguna
irichi zanean,
eta denak urtara
sartu ziranean,
bukatuba zegola
ordukoz zubiya,
etorririk ur-alde
bat izugarriya,
kirkirrak ziran pasa
zubiyan, eta joan,
eta igelak urak
zituben eraman.
...............
Onek erakustendu
langillea danak,
geldi beren egingo
ditubela lanak;
baņan bada alperra
naiz azkarra izan,
gertatu litekela
igelaren gisan.
|