Katuba eta espilluba
Artola, Ramon
Kazubela batetik
esnea churkatzen
ari zala katuba
tripa guri jartzen,
espillu bat egonik
zutikan aurrean,
bere irudindea
ikusi zuben an;
eta oroitu gabe
ura bera zala,
sinisturik an beste
katuren bat zala,
ari zana gozoro
esnea churkatzen,
inbiriyaz jarri zan
deabrubak artzen;
eta berriz esnerik
ark eran etzezan,
zion kopeta beltz, beltz,
jarririkan esan,
ezpazan joaten andik
esnea utzita,
gaitzez irtengo zala
ark eragotzita;
baņan nola egiņ ez
baitzion kasorik,
eta etzuben ere
mugitzen pausorik,
errabiz salta zion
gaņera berari,
bere azkazalakiņ
jarri nairik eri:
baņan buruz jorikan
espillu aundiya,
kristala egiņ zuben
milla puska iya,
eta iraulirikan
beraren gaņera,
azpiyan lardatuba
izandu zan bera.
................
Espillu ontan bertan
begira dezagun;
guk beste onenbeste
egiņ ez dezagun;
utzi deiogun jaten
guziok alkarri,
ez dezagun kalterik
gerentzat ekarri.
|