Kastora, trikuba eta erleak

Artola, Ramon

 Kastora izanikan

 kutiziosoa,

 egun batez nai zuben

 jan ezti gozon;

 eta zerbait denboran

 pensatzen egonik,

 esan zuben: trikuba

 billatu biet nik.

 Sarri billatu ere

 egin zuben bera,

 eta biyak igorik

 mendiska batera,

 erakusten ziola

 echolacho bat an,

 zion engañatzeko

 itz modutan esan,

 ezti tokiya zala

 eche chiki ura,

 eta amil zezala

 andikan putzura,

 bada erleak eltzen

 asiyagatikan,

 etziotela ari

 egingo gaitzikan;

 eta ala egiña

 zeukaten eztiya,

 bien artean jango

 zutela guztiya;

 trikubak arturikan

 ontzat ark esana,

 segiran arrimatu

 zan echolagana,

 eta bizkarrarekin

 amildurik bera,

 erle guziyak ziran

 kanpora atera,

 eta asi zitzaizkan

 kozkaka berari;

 baña nola baitzan gaitz

 miñ ematen ari,

 zeñen berak geiago

 baitzien ematen,

 ziran igasi denak

 asi andik joaten,

 eta billaturikan

 kastora bidean,

 zebillela sasiyan

 gorde eziñean,

 denak batean eldu

 zioten berari,

 eta eziñ ziena

 egiñ trikubari,

 arekiñ egiñ zuten,

 ura zuten autsi,

 zaurituta baitzuten

 begi gabe utzi.

 ...............

 Gauza berriyak askok

 sortu oi dituzte,

 beretaz on aundiyak

 dituztela uste;

 eta egiñ ondoren

 iñoiz zenbat kalte,

 baliatutzen dira

 beren partez beste.