Indalecio Bizcarrondo (Bilinch) zeritzaion itz neurlariari oroimen bat
Artola, Ramon
Argi apur bat sutu zadazu
Apolo pensamentuban,
Lira sar baten soñuban doaiz
Abiya nadin kantuban;
Atozte musak, ere nigana,
Eguzkiyaren moduban,
Denen laguntzaz bana ditzadan
Bilinchen famak munduban.
Kendu baneio gañetik bera
Gordetzen duben arriya,
Esna eraingo nuke lotatik
Gizon beneragarriya;.
Kantuz alchatu nainiyoke gaur
Oroikarri bat berriya,
Bere gañean ikusi dediñ
Onratzen Euskal erriya.
¿Bañan nik nola kanta nitzake
Bere baliyo aundiyak?
¿Zertan bear det asi argitan
Jartzen beraren graziyak?
Nere moduban ezagututzen
Badute beste guziyak,
Bada illdako lotan naiz egon
Oroitzak dauzka biziyak.
Penak maiz lotzen zutelarikan
Berez izanik alaiya,
iñoiz paltatzen ez baitzitzaion
Jolas berrirako gaiya;
Zuben choriyak bezela errez
Kantatutzeko doaiya;
Eta zan izdun berdingabe ta
Izkribalari galaiya.
¿Non dira bere izkribu ezti
Eta kantacho gozoak?
¿Non beragandik jaikitzen ziran
Euskal itz baliosoak?
Ez dira iñoiz oiñpetu izan,
Guziyak daude osoak,
Denok dauzkagu ongi ikasi
Eta gogoan jasoak.
¿Nork etzitzaken artu gogoan
Aren grazizko esanak,
Berak aitzeko zaleturikan
Egoten bagiñan danak?
Kantatzen asten zanean igual,
Inguruetan ziranak
Bere jolasak aitzeagatik
Utzitzen zituzten lanak.
Eta noizik bein azten zanean
Iskribu berriyak jartzen,
¿Zer kantu eder etziran bere
Doaitik argitaratzen?
¿Nork ez giñuzen sortu ordukoz
Ikasi eta kantatzen?
Zeñek ez, iñoiz ez aztutzeko
Moduban, gogoan artzen?
¿Nork ez dakizki euskal-erriyan
Chomin zanaren kontuba,
Abere baten bizitza eta
Kantuzko Juramentuba?
Eta zeñek ez, ere igualik
Ez duben pensamentuba,
iñoiz aztuko ez dan Konchesi
Aingerubaren kantuba?
¿Nor zan gelditu euskal-erriyan
Bañan, nor, ikasigabe,
Ja-jai polit bat berarena ta,
Juana Vishenta Olabe?
Berakin kantu Gaizki bizi naiz
Eta illko banitz obe,
Eta... ¿zeiñ etzan egiñ Izazu-
nitzaz kupira-ren jabe?
Oekin beste lau berarenak
Gustagarriyak aiñ dira,
Eziñ aspertu liteke berak
Enzutez edo begira;
Beste edozeiñ Errezumetan
Egiñak izan balira,
Oraingoz eman ziyen guziyak
Mundu osoari jira.
Euskal tokiya chikiya da ta
Nonbait au dala mediyo
Etzan Bilinch-en famikan gizon
Aundiyen mallara iyo;
Baña pensatze nerearekiñ
Arkitutzen naiz chit fiyo,
Ez dala jakiñ, oraindik ongi,
Ark zenbat zuben baliyo.
¿Bañan ni zertan ari naiz eziñ
Egiñak bere pintura?
¿Nola nezake merezi duben
Ainbat famatu nik ura?
Egunaz maiz ta gabaz askotan
Jaio izan zait burura,
Orren neurriko itz neurlaririk,
Ez dala jaio mundura.
Nik ere igo naiya banuben
Bere allegatokira,
Bañan indarrak paltaturikan
Eman izana naiz jira;
Arranoaren eta choriyen
Egñak igualak ezdira,
Gaur arkitzen naiz mirezturikan
Arren lanari begira.
Eguzkiyaren gisan emanaz
Disdiarizko argiyak,
Moldetzat utzi izan zituben
Gauza begiragarriyak;
Euskera miñez zegoan denboran
Egiñak dira guziyak,
Ala euskerak, eta guk beti,
Zorko dizkagu graziyak.
¿Nola etziran gauza Aundiyak
Jaikiko bere burutik
Inza bezela doaiya jaisten.
Bazan argana zerutik?
Guk nai bañan len utzirik bere
Grazi zer ukoak zutik,
Erreiñu eder baten moduban
Ezkutatu zan mundutik.
Aundiyak ziran bere graziyak
Bañan baita ere penak,
Ezin kontatu litezke iya
Pasa izan zitubenak;
Oek guretzat nola osatzen
Dituben goien dageunak,
Iñoiz ez dira banatzen baten
Gañean, zori on denak.
Mundu berriya billatu zuben
Kolon, egon zan katean,
Eskulano bat beti arkitu
Oizan atsekabe pean;
Zerbantes preso, beso bakarra,
Beti penaren artean,
Eta Kamoens aundiya berriz,
Ill zan eritei batean.
Bati zerutik doai ta grazi
Aundiyak jaisten bazaizka,
Beren ordaintzan atsekabeak
Ere azalduko zaizka;
Jaunak berari zorion utsak
Noski emango ezdizka,
Charrakin onak gure artean
Partitzen dira erdizka.
¡O Bilinch! aundi, miragarriya
¡O! Ill ziñana martiri,
¡Zuk ere doai truke zenduben
Malkoa pranko isuri!
Gauza eder ta aundiyak utzi
Zizkigutzulako guri,
Maitetasun bat denen partetik
Agertzen dizut gaur zuri.
Merezierak zauzkatelako
Leku altuban jarriya,
Zure burura ez naiz iristen
Artzeko bere neurriya,
Bada ustaitu bear nizuken
Tokian koroi berriya,
Zere oiñ alki ipintzen dizut
Kanta, Oroimen-garriya.