Gabiraba-ren eiza
Artola, Ramon
Gabiraba-ren eiza.
Begizorrotzarekin
egonik zalantzan,
zozo baten ondoren
gabiraba joantzan.
Eta arrapaturik
jankai eder ura,
mokazo batez zion
puskatu buruba.
An zeramala gero
jateko aidean,
chori chiki bat zuben
topoz jo bidean.
Eta berriro kolpe
tirarik berari
utseginda zozoa
zitzaion erori.
Segiduban jachi zan
gabiraba beera,
sasiyan geldituzan
zozoa artzera.
Baņan trabaturikan
bera sasi artan,
irten eziņik preso
arkitu zan bertan.
Len zana libre eta
zozoaren jabe,
gelditu zan preso ta
zozorikan gabe.
Ala zegola trantze
estu artan umill,
eiztari batek zuben
tiroz an bertan ill.
....................
Maiz da gure irtean
gertatzen au bera,
goragi igo nairik
erortzea beera.
Nai dubenak beretzat
bakarrik guziya,
galtzen ditu askotan
dena ta biziya.
***
Ardiyak eta Legoya.
Ardiyak kejaz ziran
joan legoyagana,
esanaz justiziya
naigenduke jauna.
Otsoak iya gure
artalde guziya,
jan dute eta egin
beza justiziya.
Ordena bereala
onek eman zuben,
berriz ardirik iņork
lapurtzen bazuben,
izango zubela chit
kastigu gogorra,
bere biziz zubela
pagatuko zorra.
Andikan laister bera
eroririk miņez,
aitz zuloan gelditu
zan irten eziņez.
Eta luzarochoan
egonikan ala,
zulotikan jan billa
irteten etzala,
arkitzen zan goseak
eta zer jan gabe,
eziņ egiņik ezer
jatekoren jabe.
Onela zala ardi
bi zitzayozkan juan,
kejaz beren umeak
ziozkatela jan.
Aiek jan zitubena
otso zar bat zala,
eta arren ta arren
kastigazezala.
-Ondo da, esan zien,
kastigatuko da
baņan orain zait beste
gauza bat gogora,
nik ura kastigatu
edo naiz ill arren,
nola beste urtea
ondoren datorren,
orduban ere ez da
otsorik paltako,
zuen ume berriyak
ostu ta jateko.
Eta onen onena
izango da emen;
nik esaten detana
egitea amen.
Berriz onelakorik
ez dedin gertatu
obeko zaituztet nik
sabelian sartu.
Ala, zuen umerik
ez du iņork jango,
eta ni naiz gilborra
beteta egongo.
Au esatearekin
illik bi ardiyak,
ezurrik utzigabe
jan zituben biyak.
..................
Ispillu ontan degu
ikusten argiro,
nola dan justiziya
egiten garbiro.
Ez dala basta zuzen
jartzea legeak,
oker kunplitutzekotz
beren egilleak.
|