Gabiraba, zozo-kumeak eta arranoa (Ipuia)
Artola, Ramon
Gabirau bat jechi zan
bein kabi batera,
nairik an zeuden zozo
kumeak itera;
egopean aitz zulo
batera eraman
eta otordu eder
bat egin zezan an.
Bañan arrano zar bat,
egonik begira,
atzetik joan zitzaion
segiran kabira,
eta arrapaturik
lapur charra bertan,
esan zion:-¿ia zer
lan zerabillen an?
ia ¿non ziran kabi
artako zozoak?
ark jango zitubela
aiñ jankai gozoak.
-Ez nik-; eranzun zion
eztet jan zozorik:
eztet jaten orlako
mokadu gosorik.-
Orduban, esan zion:
-ezpidira janak,
dituk ire igasi
norare bait joanak;
bada gaisoak nola
ditutan maite nik,
eta aiek jan naia
ekarri dekan ik,
emen pagatuko dek
ere kastiguba,-
eta segiran zion
puskatu buruba.
Ura ill ondorean
zituben ikusi,
zirala zozokume
kabikoak bizi;
bada gertakai artaz
arkiturik era,
illaren egapetik
ziraden atera,
esanaz:-O gure Jaun,
ongille aundiya,
gaur bedorrengatikan.
daukagu biziya;
ezpaldin balitz emen
kabiyan gertatu,
oraingoz giñan mundu
onetaz gu aztu;
bada ongite ontaz
gaude eskerturik,
eta maite gaitula
eztaukagu dudik.
-Bai: eranzun zioten,
chit maite zaituztet,
bañan onekin ezer
gaur egiten eztet;
bigartik jarriko naiz
ume gordelari,
emanaz kastiguba
paltatzen dunari;
bañan gaur nola eztan
oraindik biarra,
eta nik detan gauza
gosoen biarra,
nere sabelak ondo
zaituzte artuko,
eta anchen zaituztet
gaiso-ak sartuko.-
Eta esan ta egin,
izan ziran janak,
zozokumeak eta
gabiraba danak.
...............
Onelakoak asko
baikera munduban,
onak, beldurra baldin
bada inguruban;
bañan jaun eta jabe
gertatzen bagera,
orduban lengo onak
gaiztotutzen gera.
|