Chimuba dantzarako sala aundiyan

Artola, Ramon

 Sedaz apaindurikan

 zebillela dantzan,

 iñork ezagututzen

 etzubela nor zan,

 bat baten begiraka

 jarririkan gora,

 salta zuben argitei

 zinzillikakora,

 eta an komeriyak

 asirik egiten,

 bere ibilkerakin

 parrak eragiten,

 arropak su artubaz

 zebillela ala,

 iraulkan dantzan choro

 bat ziruriyela,

 alako batez goiko

 lokarriya autsi,

 eta goiz bea zuben

 jo argi ta guzi;

 eta itzaldurikan

 ala argi denak,

 illunpean zituben

 utzi an ziranak.

 Galdeturik orduban

 batek, ura nor zan

 goiz bea jo zubena

 chimuren bat altzan,

 eranzun zien ura

 zubenekotz esan,

 nor izango zan bada

 chimuba ezpazan;

 nork bestek aruntz ala

 saltatuko zuben,

 eta alako lanak

 egingo zituben;

 eta denak, esanaz

 chimu char bat zala,

 ziran joan, illunpean

 utzirikan sala.

 ...............

 Au da batek dakarren

 berezkiko griña,

 gaitz baitala kentzen naiz

 egin alegiña;

 chimubagatik esan

 oidana erderaz,

 mona izango dala

 naiz apaindu sedaz.