Bi errekachoak

Artola, Ramon

 Errekacho, zanari

 menditikan jaisten,

 pasa bidea zion

 arkaitz batek isten,

 eta lertu bearrik

 nora edo ara,

 ur ura banatzen zan

 alderdi bitara.

 Segiran bat errio

 aundira zan sartzen,

 zeñetan zan joan bide

 erosoan jartzen;

 eta bestea sartzen

 zan bazter batera,

 leku char, iya eziñ

 zanera atera;

 eta ala zirala,

 bat leku eztiyan

 trabes bea ikusten

 zan kristal garbiyan,

 eta bestea tarte

 lokaztuban oso,

 ematen zula pauso

 guziya nekoso:

 onek esaten zuten.

 "bañan ¿zer da lan au,

 ni leku oetara

 zeñek ekarri nau,

 len bat izanikan gu

 anaya ta biyak,

 gaitubelako egiñ

 arkaitzak bizkiyak,

 zergatik bear det nik

 onen gaizki izan,

 edo zergatikan ez

 ondo aren gisan?"

 bañan zuten patuban,

 nork bere joanera

 egiñik jaisten beti

 bera eta bera,

 bukatu zan denboran

 patuen denbora,

 biyak batean sartu

 ziran itsasora.

 ...............

 Guri gertatzen zaigu

 urari zer bera,

 patu dakargunaren

 jabe ez baikera;

 ala penaz pasatzen

 dunentzat munduba,

 ondoren izango du

 norbaitek kontuba.