Azeriya eta  trikuba

Artola, Ramon

 Alkarren lagunkidan

 biyak bein basoan

 zijoazela, ziran

 erori lazoan;

 eta arzai bat andik

 pasatutzen zala,

 ikusirik an preso

 bi pistiyak ala,

 zigor bat segiruban

 billaturik bertan,

 bere arekin biyak

 zatitzen asi zan:

 bañan geiena zuben

 azeriya jotzen,

 oni zion bizkarra

 gogorki berotzen;

 eta au ezin gordez,

 trikubarengana

 arrimatzen zan, bañan,

 an ere zan lana;

 aranza zorrotzakin

 baitzuben zulatzen,

 eta korputz guziyan

 min zubela artzen,

 erdi negarrez zion

 esan arzaiari:

 ez ainbeste kastigu

 emateko ari;

 trikubak ainbat kulpa

 ark ere zubela,

 eta trikurik ala

 jotzen etzubela;

 zeñek eranzun zion:

 baietz, ala zala,

 biyak kulpa berean

 gertatzen zirala;

 bañan arrek orduban

 ematen zizkanak,

 baitzirala pagubak

 lengo lanarenak.

 Trikuba gandik kejik

 izaten etzala;

 kulpa zubena beti

 azeriya zala;

 ark baitzubela beti

 gaizkirako griña,

 ura zala tranposo

 gaitz asko egiña:

 eta libre utzirik

 an triku umilla,

 azeriya izan zan

 zigorpean illa.

 ...............

 Onek erakusten du

 nor zer dan len izan,

 gainduko dala gero

 pistiyaren gisan;

 egin badu lenaz lan

 char edo onikan,

 neurtutzeko eztala

 faltako kanikan.