Azeriya eta olloak

Artola, Ramon

 Olloaren echera

 bere pikardiyan,

 joanikan azeriya

 gabaren erdiyan,

 danba danba atea

 kolpatzen asi zan,

 ollo lotan zeudenak

 esna erain zitzan;

 eta leiora joanik

 bat lo etzegona,

 otsegin zion-¿nor da

 atean dagona?

 -ni naiz,-eranzun zion

 boza mudatu ta,

 mugi zaitezte azkar

 echeak su du ta:

 ate zulotik dira

 nabaitutzen garrak,

 denok sarri zerate

 kiskali bearrak;

 eta ura aitzeaz

 ollo leiokoak,

 jaiki erain zituben

 beste lotakoak;

 eta izuz utzirik

 lo toki berenak,

 zebiltzala muturrak

 autsi naian denak,

 ollarrak bati esan

 zion:-¿nor da bian?

 -azeri bat, eranzun

 zion, da atian

 -orduban esan zaizu

 azeri jaunari,

 ez dedilla alperrik

 ate joka ari;

 olloak aspaldiyan

 denak lo daudela,

 eta ni ere ayen

 gisan lo nagola;-

 eta ura esaten

 aiturik betikan,

 su kontubak laja to

 gorde zan andikan.

 ..................

 Onek erakusten du.

 kolpezko izuba,

 ageri dan bezela

 dala chit pisuba;

 bañan ura pasa ta

 gogor bada jartzen

 ark diola izuba

 besteari sartzen.